Teachings

༄། །མཚུངས་མེད་ནིའུ་ཡོག་དང་ནིའུ་འཇར་སི་སེར་སྐྱ་མི་མང་ཡོངས་ཀྱི་སྙན་ལམ་དུ། ཆེད་གསོལ། ཉེ་ཆར་སྒྲུབ་བརྒྱུད་བསྟན་པའི་མངའ་བདག་༧དཔལ་རྒྱལ་དབང་ཀརྨ་པ་རིན་པོ་ཆེ་མཆོག་འདི་ཁུལ་ཆིབས་ཞལ་བསྒྱུར་པའི་སྐབས་དང་བསྟུན་ཆེད་དུ་མཇལ་བཅར་གྱིས་འདི་ཁུལ་རང་རིགས་རྣམས་ལ་བླང་དོར་ལམ་སྟོན་བཀའ་སློབ་བམ། མདོ་སྔགས་ཀྱི་ཟབ་ཆོས་གང་འགབ་ཅིག་ཡེ་ཤེས་དབྱིངས་དཔྱད་ཀྱིས་གནང་སྐྱོང་ཅི་ནས་ཡོང་བ་ཞེས་ཇི་ལྟར་གསེར་སྙན་སྒྲོན་འབུལ་ཞུས་དོན་བཞིན། ཐུགས་བརྩེ་བ་ཆེན་པོས་ཞལ་བཞེས་བཀའ་བཟང་བཀའ་དྲིན་ཆེ་ཐོབ་ཀྱིས་ཕྱི་ཟླ་ ༤ ཚེས་ ༡༠ རེས་གཟའ་པ་སངས་ཉིན་གྱི་དགོང་དྲོའི་ཕྱག་ཚོད་ ༠༦:༣༠ ནས་དབུ་འཛུགས་ཀྱིས་བླང་དོར་ལམ་སྟོན་གྱི་བཀའ་སློབ་དང་། རྒྱལ་ཀུན་སྙིང་རྗེའི་རང་གཟུགས་འཕགས་མཆོག་ཐུགས་རྗེ་ཆེན་པོའི་ཆོས་སྐོར་ལས་བཀའ་ཆོས་ཟབ་མོའི་ཆོས་འབྲེལ་སྩོལ་གཏན་ཁེལ་སོང་ལགས་ན། ཚང་མ་ Hunter College Assembly Hall (69th Street & Lexington Ave) ཚོགས་ཁང་དུ་དུས་ཐོག་བཅར་འཛོམས་ཡོང་བའི་གསལ་བསྒྲགས་སུ། ནིའུ་ཡོག་དང་ནིའུ་འཇར་སི་བོད་རིགས་སྤྱི་མཐུན་ཚོགས་པའི་རྒྱུན་ལས་ཐུན་མོང་གིས། ཕྱི་ལོ་༢༠༡༥ ཟླ་ ༤ ཚེས་ ༡...